يحيى عامر علي عرفه الملقب بـ"T1_leveling"،
بدأ يحيى مسيرته كمترجم في فريق سوات في حوالي شهر 7 من سنة 2021،
كان بدايات أعماله Return of the Bachelor، كان عمل حلو بس يحيى مكنش مهتم بالشغل أوي برغم ان ترجمته كانت جميلة، بدأ يحيى يشتغل ويحب مجال الترجمة أكتر لما مسك أول عمل تنافسي ليه وهو "Solo Necromancy"، وبعدها توالت الأعمال من نانو ماشين لسولو لسيد السيف ل...، يحيى كان من أكتر الناس الي كانت بتشتغل بشغف وأكتر الناس الي كانت بتقدر تخلص فصول ترجمة في يوم واحد ومقدرش أفكر في مترجم أسرع منه في المجال أبدًا،

يحيى كان طالب مصري في كلية الصيدلة والمفروض إن السنة دي هي سنة التخرج بتاعته، بس بكل أسف في نهاية الترم الأول يحيى بدأ يحس بوجع كبير في ضهره، كان بيشك إنه بسبب القاعدة الغلط أثناء المذاكرة وراح يعمل علاج طبيعي فترة، ولكن ده مجبش نتيجة اضطر يروح يعمل كشف واكتشف إنه وبكل اسف مصاب بسرطان مرحلة رابعة، وفي يوم 13/3/2024 اعتزل يحيى عامر وترك الفريق والمجال بشكل نهائي، وبعد شهرين من محاربة مرض السرطان توفى يحيى عامر في يوم 18/5/2024

  أتمنى من كل شخص قرأ المقال ده يدعيله بالرحمة والمغفرة وأن يخفف الله من عذاب قبره.

اللَّهُمَّ، اغْفِرْ له وَارْحَمْهُ، وَاعْفُ عنْه وَعَافِهِ، وَأَكْرِمْ نُزُلَهُ، وَوَسِّعْ مُدْخَلَهُ، وَاغْسِلْهُ بمَاءٍ وَثَلْجٍ وَبَرَدٍ، وَنَقِّهِ مِنَ الخَطَايَا كما يُنَقَّى الثَّوْبُ الأبْيَضُ مِنَ الدَّنَسِ، وَأَبْدِلْهُ دَارًا خَيْرًا مِن دَارِهِ، وَأَهْلًا خَيْرًا مِن أَهْلِهِ، وَزَوْجًا خَيْرًا مِن زَوْجِهِ، وَقِهِ فِتْنَةَ القَبْرِ وَعَذَابَ النَّارِ اللَّهمَّ إنَّ يحيى في ذِمَّتِك وحبلِ جِوارِك فَقِهِ من فتنةِ القبرِ وعذابِ النَّارِ وأنتَ أهلُ الوفاءِ والحقِّ فاغفر لَه وارحمهُ إنَّكَ أنتَ الغفورُ الرَّحيمُ. 

مع السلامة يا يحيى.